Gana do të marrë dërgesën e parë të vaksinave kundër Covid-19 nga Covax sot, një përpjekje e mbështetur nga Organizata Botërore e Shëndetësisë për të shpërndarë vaksinat falas në vendet e varfra.
“Këto 600,000 vaksina Covax janë pjesë e një dërgese fillestare të vaksinës AstraZeneca / Oxford, për disa nga vendet me të ardhura të ulëta dhe të mesme,” tha Unicef në një deklaratë të përbashkët me OBSH.
Vaksinimet pritet të fillojnë javën e ardhshme, dhe personat e parë që do të vaksinohen janë punonjësit shëndetësorë, personat mbi 60 vjeç, njerëzit më të rrezikuar dhe zyrtarë të lartë.
Skema Covax drejtohet nga OBSH dhe gjithashtu përfshin Aleancën Globale të Vaksinave (Gavi) dhe Koalicionin për Inovacione të Gatishmërisë Epidemike (Cepi). Në një deklaratë të përbashkët, OBSH dhe Unicef thanë se ishte një rast i rëndësishëm dhe “kritik për t’i dhënë fund pandemisë”./abcnews.al
