Kylian Mbappe prej kohësh ia ka bërë me dije drejtuesve të PSG dëshirën për të provuar një eksperiencë të re, ndaj edhe nuk do të rinovojë kontratën që i skadon në qershor të vitit 2022. Kështu, verën që po vjen kampionët në fuqi të Francës do të duhet ta shesin.
Mbappe nuk e ka fshehur kurrë dëshirën që të luajë një ditë me Real Madrid në Spanjë dhe që e ka idhull Zinedine Zidane. Ky i fundit së fundmi ka bërë edhe një lëvizje, që tregon qartazi që edhe në kampin spanjoll po mendojnë ta blejnë kampionin e botës.
Gazetari Eduardo Inda, në “El Chiringuito TV” ka zbuluar se Zidane, pas fitores së PSG kundër Barcelonës në Champions, i ka dërguar një mesazh autori të tre golave, Kylian Mbappe.
“Duro edhe pak, qëndro në gatishmëri”, është ajo që trajneri i Reali i ka thënë sulmuesit, i cili pret mbylljen e sezonit për të nisur eksperiencë të re. Sigurisht nuk është një operacion i lehtë merkatoje, pasi PSG për kartonin e tij do të kërkojë mbi 100 milion euro. /abcnews.al
❗️Exclusinda | #INDA: "ZIDANE le mandó un mensaje a MBAPPÉ tras ganar al Barça diciéndole que AGUANTE". #ChiringuitoInda pic.twitter.com/SJIRjEHAQl
— El Chiringuito TV (@elchiringuitotv) February 23, 2021
