Atalanta arriti një fitore shumë të rëndësishme kundër Napolit në shtëpi. Djemtë e Gasperinit triumfuan me rezultatin 4-2. Sulmuesi i bergamaskëve, Luis Muriel, në një intervistë për “Sky Sport Italia” shprehet shumë i lumtur për këtë arritje si dhe sfidon hapur Real Madridin.
“Ishte shumë e rëndësishme që ne të fitonim sot dhe kjo fitore mund të jetë vendimtare në garën për një nga vendet në Champions League. Gjithashtu, tre pikët na motivojnë akoma më shumë për duelin që kemi të mërkurën me Real Madridin”, deklaron kolumbiani.
“Ndeshja e sotme ishte një ndër më të mirat këtë kampionat dhe po rikuperojmë fillimin jo të mrië të sezonit. Nëse luajmë me këtë ekip sulmues dhe të krijojmë kaq shumë shanse, besoj se do t’ia bëjmë të vështirë jetën Real Madridit.
Duam ta shfrytëzojmë maksimalisht këtë mundësi dhe të vertëtojmë se dhe ne jemi në lartësinë e duhur”, përfundon Muriel. /abcnews.al
