Manchester City këtë sezon është në formë të frikshme dhe po shkëlqen në të gjitha aspektet. Një portier i mirë është më shumë se nevojë dhe Guardiola duket se ka goditur në shenjë me Ederson.
Braziliani është “mace” mes katërkëndëshit dhe shkëlqen gjithashtu në atë që Guardiola e ka aq merak, lojën me këmbë. Spanjolli në një intervistë të dhënë së fundmi thekson se Ederson është më i mirë se Neuer dhe se Valdes në lojën me këmbë.
“Ederson më këmbë është më i miri, cilësia e tij e pasimit është padyshim më e mira. Manuel Neuer dhe Victor Valdes ishin gjithashtu të jashtëzakonshëm, por Ederson ka cilësitë më të mira në pasim. Gjithsesi, nuk mund të them se cili është portieri më i mirë në botë”, u shpreh Guardiola.
Guardiola muaj më parë tregonte se gjatë eksperiencës së tij te Bayern Munchen kishte në plan të aktivizonte Manuel Neuer në mesfushë, por në fund u ndalua nga drejtuesit sepse ata e konsideronin shpërfillje ndaj kundërshtarit. Me siguri sheikët nuk e ndalojnë ta bëjë këtë me Ederson. /abcnews.al
