Fitore jashtë fushe për Barcelonën dhe PSG. Ekipi katalanas triumfoi 2-3 në fushën e Betis, ndërsa kampionët e Ligue 1 fituan 0-2 klasiken e futbollit francez përballë Marseille.
Përballje e bukur dhe spektakolare në Andaluzi. Pjesa e parë u mbyll më avantazhin e Betis, që iu fal golit të sulmuesit Borja Iglesias. Fraksioni i dytë dhuroi shumë emocione.
FINAL #RealBetisBarça 2-3
¡El @FCBarcelona_es remonta y se lleva los 3 puntos del Benito Villamarín! #ResultadosLS#LaLigaSantander pic.twitter.com/FIAakjuvJQ
— LaLiga (@LaLiga) February 7, 2021
Leo Messi riktheu baraspeshën me një goditje të saktë (59′), teksa një aksion fantastik i Barcelonës u finalizua me autogolin e Victor Ruiz (68′). Betis reagoi dhe gjeti golin e barazimit shtatë minuta më vonë. Mbrojtësi Ruiz shleu gabimin dhe mposhti me kokë gjermanin Ter Stegen.
Gjithsesi, katalanasit nuk e kishin thënë akoma fjalën e fundit dhe realizuan golin e fitores tre minuta përpara fundit të takimit. Portugezi Trincao shfaqi klasin e tij, veprim që lumturoi edhe trajnerin Koeman. Suksesi i gjashtë radhazi jashtë fushe në La Liga për Barcelonën dhe vendi i dytë bashkë me Real Madrid (nga 43 pikë).
PSG zgjidhi gjithçka në pjesën e parë në fushën e Marseille. Kylian Mbappe zhbllokoi takimin në minutën e nëntë. Ylli francez finalizoi një kundërsulm perfekt të kampionëve të Francës, të cilët festuan sërish çerek ore më vonë.
? Final whistle! Big away win for @PSG_English at Le Classique to keep fighting at the top of the #Ligue1UberEats!#OMPSG pic.twitter.com/KAM5ieNZoA
— Ligue1 English (@Ligue1_ENG) February 7, 2021
Mauro Icardi dërgoi në rrjetë një kros të Florenzit dhe PSG në avantazh të dyfishtë. Payet u ndëshkua me të kuq në minutën e fundit dhe vendasit e mbyllën ndeshjen me dhjetë lojtarë.
Fitorja e sotme e rikthen PSG në vend të tretë me 51 pikë, tre më pak se Lille kryesuese dhe një më pak se Lyon i vendit të dytë. Marseille mbetet në vend të nëntë me 33 pikë. /abcnews.al
