Tottenham është skuadra e radhës që siguron kualifikimin në raundin e 1/8 të FA Cup. Djemtë e Jose Mourinhos nuk e kishin të thjeshtë përballë Wycombe, por në fund ia dolën të triumfonin 1-4.
https://streamable.com/ap3ys5
Skuadra vendase, që renditet në vendin e fundit të Championship, e nisi shumë mirë takimin dhe kaloi në avantazh në minutën e 25-të. Fred Onyedinma dërgoi topin në rrjetë dhe Wycombe në festë.
https://streamable.com/ftb47r
Spurs nuk mund të pajtoheshin me këtë rezultat dhe rikthyen baraspeshën në minutat shtesë të fraksionit të parë. Gareth Bale u rikthye te goli pas një kohe të gjatë.
https://streamable.com/pad4l0
Vendasit rezistuan mirë deri në minutën e 86-të, moment kur Harry Winks i dhuroi avantazhin Tottenham. Skuadra e Jose Mourinhos gjeti edhe dy herë rrugën e rrjetës në minutat e mbetura.
https://streamable.com/wgzndn
Skenën e mori Tanguy Ndombele, i cili realizoi një dygolësh brenda pesë minutave dhe vulosi suksesin me “poker” të ekipit londinez. /abcnews.al
