PSG ka në skuadër dy nga më të mirët, Neymar dhe Mbappe. Por e ardhmja e tyre e largët në Paris është në rrezik sepse kontratat e të dyve përfundojnë në verën e vitit të ardhshëm dhe rinovimi me ta është rrugë e gjatë me plot “malore e kthesa”.
Leonardo, drejtori sportiv i PSG në një intervistë për France Football ditën e sotme u pyet në lidhje me të ardhmen e dyshes së sulmit. Braziliani u shpreh se dëshiron që ata të rinovojnë në Paris, por shtoi se klubi nuk do u lutet për të qëndruar.
“Shpresoj që ata të jenë të bindur për të rinovuar. PSG është vend i mirë për një lojtar të nivelit të lartë, i cili drejtohet nga ambicie të mëdha. Duam të arrijmë marrëveshje me ta.
Gjithashtu nuk mund të kalojmë mbi mundësitë tona ekonomike. Sigurisht, që nuk do i lusim ata. Kush dëshiron vertetë të qëndrojë në Paris, do e bëjë”, u shpreh Leonardo. /abcnews.al
