Loading ...
Harry Kane është një nga sulmuesit me të fortë në planet. Anglezi luan me Tottenham, ekipin e tij të zemrës dhe mban shiritin e kapitenit. Gjithsesi, një gjë e tillë nuk mjafton, pasi 27-vjeçari kërkon të fitojë trofe. Klubet e mëdha evropiane janë të interesuara për të.
Jonathan Woodgate ka një këshillë për bomberin e njohur. Ish-mbrojtësi anglez është i bindur dhe i bën thirrje Kane të kalojë te Real Madrid. 40-vjeçari ka luajtur me Tottenham dhe “Los Blancos” gjatë karrierës së tij dhe ekipin e Zidane e sheh si perfekt për patriotin e tij.
“Nëse Real Madrid kërkon Harry Kane, ai duhet të pranojë ofertën dhe të transferohet në La Liga. Nëse dëshiron të fitojë trofe dhe të jetë në nivelin e Leo Messit. Ronaldos dhe emrave të tjerë të mëdhenj, duhet të shkojë te Reali.
Nuk mund të fitojë titullin me Tottenham, nuk e imagjinoj dot një gjë të tillë. As këtë sezon dhe as sezonin e ardhshëm. Janë akoma larg nivelit të Liverpool dhe Manchester City. Nëse Harry do të shijojë trofeun e Champions League, Reali është zgjidhja“, deklaron Woodgate. /abcnews.al
