E mbylli pjesën e parë në disavantazin e 2 golave, por u rikthye dhe shënoi 5 herë në të dytën. Bayern Munchen zhvilloi sot një ndeshje me dy fytyra dhe në fund arriti të përmbysë frikshëm Mainz.
Burkardt dhe Hack shënuan për skuadrën mike, por në të dytën skuadra e Flick u rikthye me një tjetër version dhe arriti të shënojë 5 gola. Fillimisht ishin Kimmich dhe Sane, që tundën rrjetën në minutat 50 dhe 55.
Golat e BAYERN MUNCHEN-MAINZ
Më pas në minutën e 70, me golin e Sule, Bayern kryen edhe përmbysjen, por nuk e mbylli me kaq. Lewandowski shënoi edhe dy herë në portën e Mainz në minutat 76 dhe 83, teksa golin e parë e shënoi me penallti.
Me këtë triumf Bayern mban vendin e parë me 33 pikë pas 14 ndeshjesh, ndërsa Mainz “zhytet” në vendin e 17 me vetëm 6 pikë të grumbulluara. /abcnews.al
