Kouadio Kone është emri i ri në listën e dëshirave të Milanit për merkaton e janarit. Vetëm 19 vjeç, luan si mesfushor dhe është pjesë e Toulouse në Ligue 2.
Kuqezinjtë e shohin si një alternativë shumë e mirë e Kessie dhe si investimin e duhur për të ardhmen. Manu, siç e thërrasin shokët e skuadrës, pëlqehet shumë edhe nga Marcelo Bielsa, trajneri i Leeds United.
Francezi me origjinë nga Bregu i Fildishtë, luan në të gjithë pozicionet e mesfushës, teksa pikat e tij më të fortë, përveç forcës fizike, janë driblimi dhe goditja e fortë.
Klubi francez kërkon 15 milion euro për ta lënë të lirë, ndërsa dyshja Maldini-Massara kanë nisur bisedimet me agjentin e futbollistit.
Milani pretendon të mbyllë këtë operacion për shumën e 10 milion eurove, por më parë duhet fituar konkurrenca me klubin e Premier League. /abcnews.al
