Moment fantastik te Vllaznia. Ekipi i Thomas Brdaric fitoi 5-1 në Shkodër ndaj Skënderbeut, duke siguruar fitoren e radhës. Trajneri i ekipit shkodran analizoi triumfin e sotëm në Supersport, aty ku foli edhe për merkaton e klubit shkodran.
“E nisëm shumë mirë lojën dhe nuk i dhamë shanse kundërshtarit. Ishte gjithçka e organizuar në mënyrë perfekte, nga fillimi deri në fund. Kemi 20 lojtarë, madje edhe më shumë. Janë shumë lojtarë ata që luajnë.
Diçka pozitive, të gjithë po luajnë dhe po argëtohen në fushë. Lojtarët kanë dëshirë për të luajtur bashkë, kemi rreth gjysmë viti bashkë dhe kjo është shumë pozitive për ekipin tonë.
Merkato? Nuk pres asgjë të veçantë, por do të largohen 2-3 lojtarë. Nuk ka diçka speciale apo të fiksuar. Di të them që do të largohen 2-3 lojtarë.
Ndryshimi i taktikës? Nuk kanë rëndësi vetëm pikët, por edhe sistemi i lojës tonë. Ka rëndësi t’i përshtatemi edhe kundërshtarëve, ndryshojmë skema dhe lojtarët përshtaten të gjithë”, përfundon Brdaric. /abcnews.al
