Pandemia ka goditur klubet dhe strategjia e tyre tani është përqendruar në blerjen e talenteve, që nuk kanë shpërthyer ende dhe kanë çmim më të arsyeshëm në merkato.
Këtë po bën Juventus. Mediet italiane raportojnë se kampionët e Serie A kanë arritur akordin për blerjen e Bryan Reynolds nga Dallas në kampionatin e SHBA, MLS.
Talenti 19-vjeçari ka arritur marrëveshjen me Juventus, që do e blejë që në janar dhe ka bindur talentin të qëndrojë i huazuar deri në verë te Dallas ose një tjetër ekip në Europë.
Reynolds aktivizohet si mbrojtës i djathtë dhe ka treguar cilësi shumë të mira në të dy fazat e lojës. Ai luan titullar te Dallas dhe deri më tani ka dhuruar katër asiste në 17 ndeshje. /abcnews.al
