Tre mjete u përfshinë në një aksident automobilistik këtë mëngjes në Kukës. Abcnews.al mëson se fatmirësisht, pati vetëm lëndime të lehta të katër personave që udhëtonin në tre mjetet, ndërsa dëmet materiale janë të konsiderueshme.
Ngjarja ndodhi në kryqëzimin e hyrje-daljes në Rrugën e Kombit dhe devijimin e rrugës për në Shishtavec, një nga nyjet më problematike në këtë zonë.
Policia mbërriti në vendngjarje për të zbardhur rrethanat e aksidentit. Nga hetimet e para dyshohet se shkak është bërë shpejtësia e njërit prej automjeteve dhe manovrimi i gabuar për parakalim, që ka çuar ne goditjen e pasme te automjetit tjetër dhe detyrimin për devijim dhe dalje nga rruga të automjetet të trete që vinte përballe në krahun e tij. /abcnews.al
