Nga Leontina Nika
Përmes një ceremonie të thjeshtë janë ndarë Çmimet Kombëtare të Letërsisë 2019 nga Qendra Kombëtare e librit, nën kujdesin e Ministrisë së Kulturës.
“Sot ndajmë çmimet letrare të Letërsisë 2019. Një vit ë do të ngelë në memoriet tona si një vit tragjedie që u mbyll nga një tërmet i tmerrshëm. Ka qenë një vit me prodhim letrar të pasur”, deklaroi Margariti.
Juria e kryesuar nga Natasha Lako ka shpallur si Romanin më i mirë për 2019, “Diktatori në kryq”, të Mira Meksit, me motivacionin “Për krijimin e vlerave dhe risive origjinale në prozën romanore shqipe”, ku ndërthuren mjeshtërisht motivet e një historie besimi në trajektoren e një epoke politike. Shkrimtarja nuk ishte e pranishme. Çmimi u tërhoq nga botuesit Bujar Hudhri.
Ndërsa çmimin përkthimi më i mirë iu dha Llambro Rucit. Vëllimi poetik iu dha Alisa Velajt dhe Përmbledhje me tregime më e mirë Romeo Çollakut. Me çmimin si Letërsia për fëmijë më e mirë 2019, iu dha Shkëlzen Zallit dhe çmimin Vepra studimore më e mirë, “Arbërishtja në rrjedhë të shekujve”, e autorit Matteo Mandala.
/abcnews.al
