Ian McKellen ka zbuluar se ka bërë vaksinën kundër Covid-19. Aktori i “Lord of the Rings” tha se ndihet “euforik” pasi mori dozën e parë të vaksinës të mërkurën. Ian tha se ai ndihet shumë me fat që ka bërë vaksinën dhe se inkurajon të tjerët që ta bëjnë.
“Ndihem shumë i lumtur, i lehtësuar dhe optimist. Nuk mund të jem më i lumtur.” tha 81-vjeçari për gazetarët. “Do të vazhdoj ta mbaj maskën dhe distancimin shoqëror, po kjo nuk do të thotë se do të kthehem në punë dhe të bashkohem me njerëz sepse dua të jem mjaft i sigurt.
Jam paksa euforik me të vërtetë. Shpresoj që ndërsa shumë njerëz vaksinohen, ne do të shkojmë më tej përgjatë rrugës për një mënyrë më normale të jetës, veçanërisht për artet që kanë vuajtur kaq shumë këtë vit.”, shtoi aktori. Mbretëria e Bashkuar u bë vendi i parë që autorizoi vaksinën anti-Covid në fillim të këtij muaji. /abcnews.al
