WBA shkarkoi ditën e sotme trajnerin Slaven Bilic. Rezultatet e dobëta sollën fundin e aventurës së trajnerit kroat në krye të ekipit të Premier League, edhe pse WBA arriti një barazim shprese mbrëmjen e kaluar në fushën e Manchester City.
Drejtuesit e klubit anglez nuk kanë humbur kohë dhe kanë gjetur trajnerin e ri. Ai është Sam Allardyce, një ekspert i futbollit ishullor. “Jemi të lumtur të konfirmojmë Sam Allardyce si trajnerin e ri të ekipit“, lexohet në komunikatën zyrtare të WBA.
We are delighted to confirm the appointment of Sam Allardyce as our new Head Coach ✍️
— West Bromwich Albion (@WBA) December 16, 2020
66-vjeçari është një emër i njohur në Premier League dhe një trajner me eksperiencë të madhe. Në periudhën korrik 2016-shtator 2016 pati edhe një aventurë të shkurtës te kombëtarja angleze, teksa tani do të bëjë maksimumin për të mbajtur WBA në elitën e futbollit anglez. /abcnews.al
