Dua Lipa ka shkëlquer në performancën e saj në hapjen e eventit virtual “Billboard Women in Music 2020” mbrëmjen e djeshme. Këngëtarja me origjinë shqiptare, albumi i dytë i së cilës “Future Nostalgia” është nominuar për çmimin e lakmuar të Albumit të Vitit të Grammy 2021, u nderua me çmimin “Powerhouse”.
Sipas Billboard, çmimi u dha nga senatori Bernie Sanders i Vermont, duke thënë se Lipa “po lufton për të rinjtë, gratë, refugjatët, komunitetin LGBT dhe po përdor platformën e saj për t’i sjellë njerëzit në procesin demokratik. Ajo po ngre zërin e saj për të kërkuar ndryshime të vërteta,” tha Sanders për Lipën.
Pas marrjes së çmimit, autorja e hitit “New Rules” e quajti Sanders një “hero personal” të sajin. Më tej, ajo shtoi se është veçanërisht krenare për këtë çmim sepse përfaqëson qëndrimin në solidaritet me “kolegët e saj artiste dhe gratë në të gjithë botën”. Ajo theksoi rëndësinë e barazisë duke përmendur se vetëm 2.6% e prodhuesve të këngëve Billboard Hot 100 janë gra, me më pak se 1% gra me ngjyrë. /abcnews.al
