Gjykata e Firences ka dënuar me një total prej 73 vjetësh një grup kriminal shqiptar që merrej me trafikimin e drogërave të forta. Banda vepronte në Livorno, Pisa, Massa Carrara, Prato dhe Parma.
Të dënuarit janë tetë persona:
- K.S. (1984) – 16 vjet burg.
- L. I. (1984) – 9 vite e 4 muaj burg.
- S. R., (1989) – 9 vjet e 8 muaj burg.
- S. E. (1996) – 8 vjet e 8 muaj burg.
- H. K. (1991) – 8 vjet burg.
- P. E. (1990) – 8 vjet burg.
- K. Ra. (1973) – 7 vjet e 4 muaj burg.
- M. E. (1997) – 6 vite e 8 muaj burg.
Policia italiane e shkatërroi grupin më 21 Mars të vitit të kaluar gjatë operacionit të koduar “Pavarësia”. Atë kohë u arrestuan gjithsej 12 persona në flagrancë dhe u sekuestreuan sasi të konsiderueshme drogrësah të forta: 53 kilogramë heroinë dhe 3 kilogramë kokainë.
Gjithashtu, autoritetet sekuestruan 2 apartamente në Parma, 6 makina, mes tyre një BMW dhe një Mercedes-Benz, një kamionçinë, pesë biçikleta dhe dy llogari bankare brenda të cilave ishin depozituar 31.000 euro të përfituara nga aktiviteti ilegal i shqiptarëve./abcnews.al
