Sot u hodh shorti i dueleve gjysmëfinale të Nations League. Italia do të ndeshet me Spanjën, teksa sfida tjetër është ajo mes Francës dhe Belgjikës.
Në lojë është trofeu i edicionit të dytë të Nations League dhe ndeshjet do të luhen tetorin e vitit të ardhshëm. Trajneri i Italisë, Roberto Mancini flet për shortin, vlerëson iberikët dhe shprehet i bindur se në fund do të triumfojnë 4 herë kampionët e botës.
“Do të jetë një ndeshje shumë e bukur me Spanjën. Ata ngjajnë shumë me ne, kanë ndryshuar disa lojtarë, teksa kanë konfirmuar disa ekspertë si Sergio Ramos.
Momentalisht janë një kombëtare shumë e fortë, janë kthyer kompetitivë. Në këtë ‘Final Four’ marrin pjesë katër kombëtaret më të forta të Europës, por në fund do fitojmë ne“, deklaron Mancini. /abcnews.al
