Barazim spektakolar mes PSG dhe Bordeaux në Ligue 1. Takimi i luajtur në “Parc des Princes” përfundoi në barazim 2-2. Ndeshja u zhbllokua në minutën e dhjetë. Goditje këndi për skuadrën mike dhe autogol i mbrojtësit Timothee Pembele.
? Final whistle! @girondins_en takes the point back to Bordeaux in a great effort at the Parc des Princes!#PSGFCGB pic.twitter.com/cD1CxCpQm8
— Ligue1 English (@Ligue1_ENG) November 28, 2020
Djemtë e Thomas Tuchel reaguan dhe përmbysën rezultatin brenda një minute. Neymar riktheu në gol një penallti në minutën e 27-të, ndërsa më pas erdhi edhe rrjeta e Moise Kean, i cili vazhdon të tregojë formë të mirë dhe të shënojë gola.
Bordeaux nuk u dorëzua dhe gjeti golin në minutën e 60-të. Aksion i bukur dhe eurogol i Yacine Adli, mesfushorit 20-vjeçar. PSG e tentoi golin e fitores, por rastin më të mirë e patën miqtë.
Portieri Sergio Rico kreu një pritje fantastike ndaj Nicolas De Preville në minutat e fundit, duke evituar humbjen. Një pikë në dy takimet e fundit në kampionat për PSG, që mund të barazohet me pikë në krye të renditjes nga Lille, nëse këta të fundit fitojnë nesër ndaj St Etienne. /abcnews.al
