Garë interesante në Kategorinë e Parë, në të dyja grupet. Në grupin A janë katër skuadra që njohin rezultate pozitive dhe momentalisht kreu ndahet mes Korabit dhe Burrelit, që luajnë ditën e nesërme në transferta.
Dibranët përballen me Partizanin B, kurse matjanët kanë një sfidë të vështirë në Lezhë kundër Besëlidhjes që i ka fituar dy ndeshjet e para. Kjo javë i rezervon një kalendar të mirë edhe Dinamo, që do kërkojë të ndjekë vendin e parë. Blutë luajnë në transfertë me Veleçikun e vendit të parafundit. Të dielën do të luhet edhe Vora-Erzeni.
KATEGORIA E PARË – JAVA 4
GRUPI A
E shtunë, më 28 nëntor, ora 14:00
Partizani B-Korabi
Besëlidhja-Burreli
Veleçiku-Dinamo
E diel, më 29 nëntor, ora 14:00
Vora-Erzeni
Sfida mjaft interesante edhe në grupin B, ku spikat ajo mes Egnatias së vendit të parë dhe Flamurtarit. Gugash Magani do kërkojë të mposhtë ish-skuadrën e tij në Superiore. Të shtunën në program janë edhe Elbasani-Lushnja e Besa-Turbina, kurse për të dielën është veçuar Tomori-Pogradeci, takim i gjithi për t’u parë.
KATEGORIA E PARË – JAVA 4
GRUPI B
E shtunë, më 28 nëntor, ora 14:00
Elbasani-Lushnja
Besa-Turbina
Egnatia-Flamurtari
E diel, më 29 nëntor, ora 14:00
Tomori-Pogradeci
