Anija shqiptare “Butrinti”, që patrullon në në detin Egje, ka shpëtuar një gomone me 41 emigrantë sirianë.
Ministria e Mbrojtjes bën të ditur se në gomone ndodheshin 10 fëmijë dhe 7 gra, 2 prej të cilave shtatzënë. Ata ishin nisur nga brigjet e Çeshmes, në Turqi, për në ishullin Kios në Greqi.
41 emigrantët sirianë iu dorëzuan rojes bregdetare e kufitare Frontex.
Anija Butrinti patrullon në Egje si pjesë e operacionit të NATO-s. /abcnews.al
