59 të vdekur brenda ditës nga koronavirusi në Greqi

Greqia vijon që të ketë një numër të lartë të rasteve të reja me koronavirus, të konfirmuara në 24 orë.

Sipas statistikave të 24 orëve të fundit rezulton se janë konfirmuar pozitiv me Covid, 3 227 raste të reja dhe kanë humbur jetën 59 persona.

Nga fillimi i pandemisë e deri më tani numri i përgjithshëm i të infektuarve me Covid në Greqi ka shkuar në 85 261 persona mes të cilëve kanë humbur jetën 1 347.

Autoritetet mjekësore bëjnë me dije se nga këto raste 4725 (5.5%) konsiderohen të lidhura me udhëtimet nga jashtë dhe 21605 (25.3%) kanë të bëjnë me një rast tashmë të njohur./abcnews.al