Jurgen Klopp dhe Pep Guardiola kërkuan ditë më parë që të aprovohet lejimi i 5 zëvendësimeve gjatë një ndeshje të Premier League.
Kalendari i ngjeshur, dëmtimet dhe infektimet e lojtarëve, dhe situata e veçantë e krijuar nga pandemia, zgjidhen me rritjen e numrit të zëvendësimeve sipas trajnerëve të Liverpool e Manchester City.
Diçka e tillë do të ndodhë në ishull, por vetëm në EFL (Liga Profesioniste që përfshin Championship, League One dhe League Two). Klubet e këtyre divizioneve kanë votuar për lejimin e 5 zëvendësimeve, siç po ndodh në shtetet e tjera.
Një lajm i mirë për trajnerët, teksa rregulli i ri do të hyjë në fuqi duke filluar nga sfida e së premtes në Championship, ajo mes Coventry dhe Birmingham. /abcnews.al
