Loading ...
Nga Maksi Rama
Ora 12:00 e mesditës mbledh familjarë çdo ditë tek sporteli i Sanatoriumit. Ata i dorëzojnë stafit mjekësor ushqimet dhe veshmbathjet, e domosdoshme për të afërmit e tyre të shtruar.
Janë të shumtë çka i detyron të rijnë në radhë ndërsa stafi i spitalit duhet të përdorin karrocat për t’i transportuar Kjo punonjëse vjen për të marrë çantat e tyre dhe kryen këtë ritual të përditshëm.
Porositë me mbishkrimet e të dhënave të familjarëve janë të shumta sa punonjësja e “Shefqet Ndroqit” vjen e shkon disa here. Shpesh nuk kupton dhe shkrimin e familjarëve.
Edhe gjatë ditës së sotme lëvizjet e autoambulancave ishin të shpeshta. Të sëmurë që shtrohen por edhe ata në gjendje të mirë që transportohen në spitalin Covid-3.
Tek spitali Infektiv, familjarët janë të rrallë, por autoambulancat që sjellin pacientë nuk mungojnë. Familjarët kanë të njëjtin shqetësim, mungesën e informacionit për gjendjen e të afërmve të tyre.
“Prej dy javësh, nuk kemi marrë asnjë lloj informacioni, se si është. Mrena s’të lenë me hy. Është 40 vjeç. S’ka pasur shqetësime të tjera.” /abcnews.al/
