Vajza e ish kryetarit të Kuvendit të Kosovës, Jakup Krasniqi, Gresa prek me mesazhin e saj pas paraqitjes së babait të saj në Tribunalit Special në Hagë.
Gresa përmes një postimi në facebook shkruan se babai i saj do të kthehet fitimtar në tokën shqiptare.
“Babi, Zëri yt i fuqishëm në Hagë, dridhi tokën Shqiptare sot. Babi, sot ndoshta lotët nuk i mbajmë dot por deklarata jote e fuqishme na dha forcë. Sot, dhimbja është e fortë por më e fortë është krenaria që ndjejmë për ty.Babi, sot mbahesh padrejtësisht, por do të kthehesh fitimtar. Të presim babi dhe të duam shumë!”, ka shkruaj vajza e Krasniqit.
Ndërkohë një ditë më parë zëdhënësi i Ushtrisë Çlirimtare të Kosovës, Jakup Krasniqi është paraqitur për herë të parë para Gjyqtarit të Procedurës paraprake në Tribunalin Special në Hagë, ku dhe ka mohuar aktakuzën e ngritur ndaj tij. e.su/abcnews.al
