Përpos suksesit në muzikë, Capital T vihet shpesh në qendër të vëmendjes edhe për jetën personale. Reperi është përfolur prej kohësh se ka nisur një romancë dashurie me modelen Adrola Dushi, por gjithçka ka mbetur në kuadrin e thashethemeve.
Së fundmi, reperi është shfaqur në krahët e një vajze misterioze, portretin e së cilës e ka mbajtur të fshehtë. “Më pëlqen mënyra si jetoj”, ka shkruar Capital T krahas fotos. Ndërkohë, përsa i përket karrierës muzikore, reperi po shijon suksesin e albumit “Skulpture”.
Për realizimin e albumit, Capital T bashkëpunoi me një sërë emrash të mëdhenj të industrisë muzikore shqiptare si Dardan, Vig Poppa, Pronto Dinero por dhe artistin e huaj Mente Fuerte. Ndërkohë që ka paralajmëruar një tjetër duet me Alban Skënderaj, projekt i cili i bën bashkë dy artistët 7 vite pas duetit të parë. /abcnews.al
