Maqedoni, protestë përpara Kuvendit/ 25 të arrestuar, 7 policë të lënduar

Protesta e opozitës në Maqedoni përshkallëzoi në dhunë në afërsi të godinës së kuvendit në Shkup. Qindra manifestues dolën në rrugë për të treguar kundërshtimin e tyre për marrëveshjen e emrit të firmosur në Prespë nga qeveria e Athinës dhe Shkupit. 25 të ndaluar dhe 7 policë të lënduar është bilanci i protestave të dhunshme para Kuvendit. Sipas ministrisë së brendshme maqedonase, ndërhyrjes së policisë i ka paraprirë hedhja e lëndëve shpërthyese nga protestuesit. Më pas forcat e rendit kanë përdorur edhe gaz lotsjellës për të qetësuar situatën. Policia njofton se është duke identifikuar edhe personat e tjerë që sulmuan agjentët. /abcnews.al