Reshjet e dendura të shiut dhe moti i keq që ka përfshirë vendin ka sjelle disa probleme në qarkun e Korçës dhe të Durrësit.
Gazetari Leonidha Musaj raporton për Abc News se reshjet e dendura të shiut gjatë natës kanë shkaktuar përmbytje në disa zona.
Sipas informacione probleme për shkak të reshjeve të shiut janë shfaqur në rrugën Taulantja, kryqëzimin tek stadiumi, tek rreth rrotullimi Stacioni i Trenit dhe në disa akse të tjera rrugore, duke sjellë trafik dhe vështirësi kalimi. Ndërkohë zona e Spitallës, Shkozetit dhe zona e Plazhit janë dhe zonat që gjithmonë kanë probleme me përmbytjet gjatë reshjeve të dendura të shiut.
Ndërsa në Korçë burime për Abc News bëjnë me dije se gjatë orëve të natës dhjetëra fshatra kanë mungesë të energjisë elektrike. Zonat që kanë probleme për shkak të reshjeve të shiut janë zona e Zemblakut, disa fshatra në Pogradec, Maliq, Kolonjë dhe Korçë vijojnë të jenë pa energji prej orësh.
Ndërkohë fatmirësisht për shkak të reshjeve të shiut në qarkun e Korçës nuk raportohet për përmbytje.e.su./abcnews.al
