Një incident ka ndodhur në një avion që udhëtonte për në Michigan. Një nga pasagjerët është filmuar ndërsa thërriste e bërtiste dhe hipte në sediljet e avionit në një gjendje aspak të kthjellët.
Sediljet ishin bosh për shkak të masave anti-Covid, ndërsa gruaja dëgjohet teksa mallkon dhe përplaset sa këtej-andej.
Pasagjerja sipas Daily Mail nuk ishte e shoqëruar nga njeri ndërsa për ta qetësuar u afruan tre burra. Si fillim dukej se ata ia arritën qëllimit, por më pas ajo nisi sërish.
Një nga pasagjerët që foli pas kamerave tha se gruaja ishte nën ndikimin e drogës dhe se para incidentit ajo ishte mirë.
Sipas tij, ajo shkoi në tualet dhe më pas filloi sjelljen e çuditshme, duke nënkuptuar se ajo mund të ketë marrë diçka atje.
Linja ajrore nuk dha asnjë informacion ose njoftim në lidhje me incidentin, ndërsa videoja po bën xhiron e rrjetit. Shumë përdorues e kanë quajtur gruan të pushtuar nga djalli dhe e krahasojnë incidentin me një ekzorcizëm. s.b/abcnews.al/
