Rast me koronavirus te Milani. Kuqezinjtë i janë nënshtruar tamponëve përpara sfidës së nesërme ndaj Bodo/Glimt në Europa League dhe përgjigjet kanë nxjerrë pozitiv Leonardo Duarte.
Mbrojtësi brazilian, i cili luajti në sfidën e së hënës në kampionat kundër Bolognas, është infektuar me Covid-19. “Të gjithë pjesëtarët e tjerë të klubit kanë rezultuar negativë“, shkruan Milani në postimin e bërë në Twitter.
Official Statement: Léo Duarte ➡ https://t.co/tMwnfUS3my
Comunicato Ufficiale: Léo Duarte ➡ https://t.co/4lF5gfXcA9#SempreMilan pic.twitter.com/Zp7QFyxphe
— AC Milan (@acmilan) September 23, 2020
24-vjeçari është izoluar menjëherë dhe do të qëndrojë rreth një javë në karantinë. Një lajm që shqetëson trajnerin Pioli, i cili nuk ka shumë alternativa për repartin e mbrojtjes për momentin. /abcnews.al
