Përballja mes Los Angeles Lakers dhe Denver Nuggets nuk mund të mbaronte pa polemika. Kjo ishte ndeshja e tretë mes tyre, ku këtë herë ishin vendasit e Denver që fituan takimin.
Ata morën fitoren e parë kundër Los Angeles Lakers, me shifrat 114-106, duke e ngushtuar në 1-2 serinë e finaleve në Konferencën e Perëndimit. Nuggets e donin me çdo kusht fitoren dhe që në fillim tentuan të krijojnë diferencë.
Megjithatë një episod mes dy yjeve të ekipeve, Lebron James dhe Jamal Murray, nuk kaloi pa u vënë re. Gjatë ndeshjes lojtari i Nuggets i dha një goditje në fytyrë “Mbretit”, i cili reagon duke e ekzagjeruar brrylin që pësoi. Kaq mjaftoi për të ndezur polemikat dhe tashmë ai moment është bërë viral në Amerikë dhe jo vetëm. /abcnews.al
