Atentati në Tiranë, flet drejtori i spitalit të Traumës: 51-vjeçari plagë të shumta në gjymtyrë

Shënjestra e atentatit të sotëm Preng Gjini i cili mbeti i plagosur rëndë, pas një shpërthimi me tritol e vendosur në makinën me të cilën udhëtonte, në zonën e “Vasil Shantos”, aktualisht ndodhet në sallën e operacionit ku po i nënshtrohet një ndërhyrjeje kirurgjikale.

LEXO edhe: Ekskluzive/ Zbulohet “shënjestra” e atentatit në Tiranë, tritoli iu vendos vëllait të ushtarit të Met Kananit

Arben Zenelaj, Drejtori i Spitalit të Traumës, njoftoi për ABC News se Gjini, 51 vjeç, ka marrë plagë të shumta në gjymtyrë dhe ndodhet në gjendje kritike për jetën.

Preng Gjini mbeti i plagosur rëndë mbrëmjen e sotme.

LEXO edhe: Atentati me tritol tek “Vasil Shanto”, zbardhen pistat hetimore

Ai ra pre e një atentati me tritol, teksa udhëtonte me automjetin e llojit Mercedez Benz, të tipit “A Class”.

Bashkë me të kanë mbetur edhe dy persona të tjerë të plagosur, të cilët ndodheshin rastësisht pranë mjetit kur ndodhi ngjarja.

N.D./abcnews.al