Sulmuesi i PSG-së, Kylian Mbappe, ka kërkuar largimin nga kampionët e Francës. Ylli i kombëtares franceze ka informuar klubin e tij se në fundin e këtij sezoni dëshiron të largohet dhe ta vazhdojë karrierën e tij diku tjetër, sikurse shkruan “The Times”.
21-vjeçari është lidhur shpesh dhe me një kalim në La Liga, ku Real Madrid dhe Barcelona janë gjithmonë në garë me njëra tjetrën për shërbimet e sulmuesit. Zidane do e donte në skuadër dhe mediat spanjolle kanë raportuar se verën e ardhshme do të hidhen në sulm për kampionin e botës.
Kujtojmë që PSG-ja e bleu Mbappen në vitin 2018 nga Monaco për shumën e 165 milionë eurove. Kjo është shifra e dytë më e lartë e shpenzuar për një transferim, si dhe e para për adoleshentët.
Sulmuesi refuzoi atëherë oferta të majme nga Manchester City dhe Real Madrid, duke zgjedhur që të fitonte fillimisht eksperiencë tek PSG-ja dhe nënshkroi për pesë sezone me klubin në pronësi të princit të Katarit. /abcnews.al
