Një makinë policie është përfshirë në një aksident mbrëmjen e sotme tek “21 Dhjetori” në Tiranë.
Mësohet se automjeti i uniformave blu është përplasur me një makinë tjetër në kryqëzim. Si pasojë e përplasjes së fortë, makina është spostuar më tutje.
Pas raportimit në Abc News policia ka dhënë informacion, duke deklaruar se si pasojë e përplasjes është dëmtuar pasagjerja në mjetin e policisë.
Ajo është dërguar në spital dhe tashmë është jashtë rrezikut për jetën.
“Rreth orës 23:00 në kryqëzimin e “21 Dhjetorit” është përfshirë në aksident mjeti i policisë me drejtues shtetasin Xh.P., me mjetin me drejtues shtetasin I.B.
Si pasojë e përplasjes është dëmtuar lehtë pasagjerja në mjetin e policisë, e cila u dërgua në spital, jashtë rrezikut për jetën.
Grupi hetimor ndodhet në vendngjarje dhe vijon punën për zbardhjen e rrethanave të ngjarjes”, njofton policia./m.v. abcnews.al
