Punëtorët e kanë mbrojtur pronarin e tyre Vladimir Çilotajn i cili është në kërkim, sepse në tokën e tij në Mbrostar të Fierit, policia tha se u zbulua një laborator droge.
Por në dëshminë që të afërmit dhe punëtorët kanë dhënë në Prokurori, thuhet se ata ishin duke ndërtuar një pulari moderne dhe jo laborator droge. Gjatë kontrollit hetuesit gjetën bazë ushqimore për bagëtitë pasi në fermën e Vladimir Çilotajt në Mbrostar mbarështoheshin dhjetëra krerë lopë e derra, por sipas policisë ky ishte një maskim.
Pajisjet e gjetura të montuara në brendësi të magazinës dyshohet se do të përdoreshin për kultivimin dhe përpunimin e hashashit, ndërsa gomonia e gjetur në afërsi të fshatit Seman dyshohet do të përdorej për trafikimin e lëndës narkotike drejt Italisë. /abcnews.al
