Kryeministri i Kosovës, Avdullah Hoti, duke folur për takimin në Uashington, është shprehur se është me rëndësi që të preken të gjitha temat më 4 shtator.
“Për neve është me interes që të imponohen të gjitha temat”, u shpreh kreu i qeverisë kosovare.
Po ashtu, Hoti foli edhe për çështjet që do të diskutohen në Shtëpinë e Bardhë.
“Është interes shtetëror që të hapen të gjitha temat dhe ne ta përmbyllim kapitullin e normalizimit të marrëdhënieve me Serbinë. Unë po akuzohem se nuk po them asgjë të re. Por që tre muaj them një gjë. Duhet që të ruhen partneritet ndërkombëtare me platforma të shëndosha. Kemi krijuar platformën tonë dhe e kemi prezantuar atë para të gjithëve. Ajo nënkupton njohjen reciproke mes dy vendeve dhe pastaj normalizimin e marrëdhënieve. Po insistojnë që unë të jem kreativ. Nuk ka kreativitet këtu. Vetëm njohja reciproke i normalizon komplet marrëdhëniet mes Kosovës dhe Serbisë”, u shpreh ai.
“Nëse i shihni çështjet që i kemi pezull. Dëmet e luftës, obligimet për të drejtat njerëzore, çështjet e të pagjeturve. Këto janë çështje që mund të zgjidhen mes dy shteteve të pavarura bazuar në konventat ndërkombëtare”, përfundoi Hoti. S.B/abcnews.al/
