Ditën e sotme në mediat italiane u përfol për një kontakt mes Milanit dhe Brescias për shërbimet e Sandro Tonalit. Flitet se klubi italiani e ka humbur durimin dhe nuk do ta presë më Interin, por duket se zikaltrit janë shumë të qetë përpos interesimit të kuqezinjve.
Sipas raportimit të “InterNews”, drejtuesit intersitë kanë gjetur akordin me agjentin e lojtarit dhe kjo është arsyeja se pse ata nuk kanë frikë nga kuqezinjtë. Drejtori sportiv i Interit, Giuseppe Marotta, fillimisht po mendon të shesë lojtarë si Joao Mario apo Marcelo Brozovic dhe më pas të mendojē për afrimet në skuadër.
Kartoni i 20-vjeçarit vlerësohet diku te 25 milionë euro dhe Interi pritet t’i ofrojë një kontratë 5-vjeçare Tonalit. Ky i fundit ishte një nga më të mirët për Brescian këtë sezon dhe falë paraqitjeve të shkëlqyera fitoi dhe ftësen nga trajneri i kombëtares italiane, Roberto Mancini. /abcnews.al
