Presidenti amerikan Donald Trump ka “sfiduar” kundërshtarin e tij politik Joe Biden që t’i nënshtrohen testit të drogës përpara debatit të tyre të parë që do të zhvillohet muajin e ardhshëm.
Trump u shpreh për gazetën Washington Examiner se ai ka vënë re një përmirësim në performancën dhe në artikulimin e Biden në debatet televizive.
Presidenti nuk ka dhënë asnjë provë që do të vërtetonte një pretendim të tillë përveçse faktit se ai është shprehur mund të dallojë ndryshime të tilla te çdokush.
Biden dhe Trump do të zhvillojnë tre debate përpara zgjedhjeve të 3 nëntorit.
Në vitin 2016, Trump sugjeroi që ish- rivalja e tij demokrate, Hillary Klinton, konsumonte lëndë narkotike para debateve të tyre dhe e sfidoi atë të bënte një test droge përpara takimit të tyre të fundit në televizion./abcnews.al
