Loading ...
Koronavirusi çdo ditë vijon të infektojë punonjës të institucioneve publike që kanë kontakte të përditshme me qytetarët. Dhjetë punonjës të bibliotekës së Durrësit janë karantinuar pasi 4 kolegë të tyre janë konfirmuar me Covid-19.
Për këtë arsye ky institucion është mbyllur.
Biblioteka tashmë është kthyer në një vatër të rrezikshme të virusi, pasi çdo ditë të në ambientet e saj ka pasur frekuentim kryesisht nga të moshuar që shkojnë dhe lexojnë gazetat.
Ndaj dhe epidemiologët kanë nisur hetimin për të gjurmuar lexuesit e ditëve të fundit që kanë frekuentuar këtë bibliotekë.
Rikthehet Covid-19 edhe në drejtorinë e policisë të qarkut Elbasan.
Ditën e sotme janë konfirmuar 3 punonjës të policisë me Covid. Dy në komisariatin e Elbasanit dhe i treti është shefi i rendit të komisariatit të Librazhdit. Efektivet kanë kërkuar nga institucionet përgjegjëse t’u bëjnë tamponin por përgjigja ishte, nuk është radha juaj.
Që prej përhapjes se virusit në komisariatin e Elbasanit kanë rezultuar pozitiv me Covid-19 edhe 8 punonjës të tjerë të cilët janë shëruar. /abcnews.al/
