Miliarderi italian Flavio Briatore është infektuar me koronavirus. Mediat italiane raportojnë se Briatore është shtruar në një spital në Milano të hënën.
Biznesmeni nuk është aktualisht në kujdesin intensiv, por gjendja e tij konsiderohet serioze.
Të prekur me Covid-19 kanë rezultuar dhe 60 persona të tjerë, pjesë e stafit të klubit që ai ka në Costa Smeralda.
Kohët e fundit, ish-shefi i ekipit të Benetton dhe Renault ka shpërfilluar masat anti-covid dhe ka kritikuar vazhdimisht qeverinë italiane në lidhje me masat.
Briatore ishte drejtori i ekipit në skuadrat F1 Benetton dhe Renault. Ai u largua nga F1 pasi u shpall fajtor për urdhërimin e Nelson Piquet Jr. që të rrëzonte me dashje makinën e tij për të ndihmuar shokun e skuadrës Fernando Alonso të fitonte Grand Grand Prix në Singapor në vitin 2008.
Briatore ishte gjithashtu pronar dhe kryetar i klubit Championship, Queens Park Rangers nga 2007.
Biznesmeni italian është gjithashtu mik i ngushtë i Presidentit Donald Trump. /abcnews.al
