Loading ...
Qeveria në Kina deri më tani ka qenë duke vaksinuar me një vaksinë kandidate anti-Covid “punonjësit jetësorë” në vend duke nisur nga korriku. Lajmin e ka bërë të ditur një zyrtar i lartë.
Zheng Zhongei, kreu i Qendrës së shkencës dhe teknologjisë në Komisionin Kombëtar të Shëndetit, ka thënë për median shtetërore se qeveria ka autorizuar “përdorimin e emergjencës” së vaksinës për Sars-Cov-2 për punonjësit e shëndetësisë si dhe për ata që punojnë në kufij.
Prej shtatë ditësh, Kina nuk regjistron asnjë rast të transmetuar në shkallë vendi, dhe punonjësit e kufirit konsiderohen të jenë në një kategori të rrezikut të lartë, tha Zheng, i cili udhëheq stafin e zhvillimit të vaksinimit.
Duket se ky është konfirmimi i parë i përdorimit të vaksinave nga Kina jashtë testeve klinike.
Nuk ka ende detaje se për cilën nga vaksinat kandidate bëhet fjalë dhe sesa njerëzve u është injektuar por Zheng tha se është administruar në përputhje me ligjin, nën kompetenca që lejojnë përdorimin e kufizuar të vaksinave të paprovuara gjatë ndodhive të rënda të shëndetit publik. /abcnews.al/
