Jose Mourinho ka punuar me kampionë të mëdhenj dhe liderë të tillë në skuadrat që ka drejtuar. Të parët të dhurojnë fitore me kualitetin e tyre, ndërsa të dytët janë ata që mbajnë skuadrën gjithmonë të karikuar dhe e drejtojnë drejt sukseseve.
“Kam njohur shumë futbollistë liderë, por nuk ka si Jan Vertonghen. Ai është më i miri, një lider i heshtur, është i jashtëzakonshëm në dhomat e zhveshjes“, deklaron për Record trajneri portugez i Tottenham në lidhje me 33-vjeçarin.
Mbrojtësi belg (118 ndeshje dhe 9 gola me kombëtaren) nuk rinovoi kontratën dhe u largua nga Spurs pas tetë sezoneve të kaluara në Londër. “Veterani” ka zgjedhur të vijojë karrierën në Portugali, aty ku do të luajë me Benfikën. /abcnews.al
