Partizani ka zbritur një ditë më parë në stërvitje dhe grupi i futbollistëve nën urdhrat e trajnerit Ilir Daja nuk ka qenë i plotë. Gjithsesi ka pasur lëvizje edhe në hyrje, pasi janë rikthyer nga huazimet Dions Cikani dhe Lucas Cardoso.
Të dy ishin pjesë e Besës prej muajit janar dhe sezonin e ardhshëm do të japin kontributin e tyre për të kuqtë. Me Partizanin është bashkuar edhe Remi Dujardin, një mesfushori 23-vjeçar nga Hong Kongu.
Më parë ai është aktivizuar në SHBA, Spanjë dhe HIFK Fotboll në Finlandë. Dujardin ka qenë edhe pjesë e Hong-Kong U23, ndërkohë që tani kërkon të provojë një eksperiencë të re me Partizanin në Superiore. /abcnews.al
