Një 45-vjeçar është arrestuar nga policia në Tiranë, pasi akuzohet për plagosje. Sipas uniformave blu është arrestuar Argjir Dusha 50 vjeç, banues në Tiranë.
Ky i fundit pas një sherri për motive të dobëta në rrugën “Don Bosko” në kryeqytet ka plagosur me thikë A. K., 45 vjeç, i cili ndodhet në spital, jashtë rrezikut për jetën.
Ndërkaq, materialet i kaluan Prokurorisë së Rrethit Gjyqësor Tiranë, për veprime të mëtejshme.
Njoftimi i policisë:
Plagosi me thikë 45-vjeçarin, pas një konflikti për motive të dobëta, vihet në pranga nga Policia.
Sekuestrohet mjeti prerës thikë me të cilën autori ka plagosur 45-vjeçarin.
Specialistët për Hetimin e Krimit në Komisariatin e Policisë Nr. 3 Tiranë, pas njoftimit të marrë për një konflikt në rrugën “Don Bosko”, ku dy persona ishin konfliktuar me njëri – tjetrin dhe për pasojë njëri prej tyre ishte plagosur me thikë, menjëherë organizuan punën dhe falë veprimeve të shpejta bënë identifikimin dhe kapjen e autorit të ngjarjes, konkretisht:
-A. D., 50 vjeç, banues në Tiranë.
Arrestimi i këtij shtetasi u bë për veprat penale “Plagosja e rëndë me dashje” dhe “Mbajta pa leje e armëve të ftohta”, pasi në rrugën “Don Bosko”, ka plagosur me thikë, për motive të dobëta, shtetasin A. K., 45 vjeç, i cili ndodhet në spital, jashtë rrezikut për jetën.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
/abcnews.al
