Shakhtar Donetsk duhet se do të jetë rivali i Interit në gjysmëfinalet e Europa League. Skuadra ukrainase ka shënuar një tjetër gol dhe tani kryeson 2-0 ndaj Baselit të Taulant Xhakës.
Taison gjeti golin në mesin e pjesës së parë, teksa Moraes kishte zhbllokuar ndeshjen në minutën e dytë. Sulmuesi brazilian pati edhe fat, pasi goditja e tij u devijua nga një lojtar i skuadrës helvete.
Wolves-Sevilla është dueli tjetër i fazës çerekfinale. “Ujqit” kishin një shans të artë për të kaluar në avantazh në minutën e 13-të, por Raul Jimenez, goleadori i ekipit anglez dhe objektivi i Juventusit në merkato, dështoi nga pika e bardhë.
What a missed from Jimenez R. (Penalty missed), Wolves pic.twitter.com/oyZjdbpPDj
— Desi optimal (@desiGunners) August 11, 2020
Goditja e sulmuesit meksikan u prit nga marokeni Bono, i cili ia doli të mbajë të paprekur portën e ekipit andaluzian. Fituesi i këtij çifti do të përballet me Manchester United në gjysmëfinale dhe Solskjaer po e ndjek me interes takimin. /abcnews.al
