Një 32-vjeçar është plagosur në vendin e punës. Burime nga policia bëjnë me dije se rreth orës 17:00, në Spitalin Rajonal Gjirokastër është paraqitur për të marrë ndihmë mjekësore i A. K., 32 vjeç, banues në Korçë.
32-vjeçari është dëmtuar gjatë punës, pasi ishte i punësuar nga një kompani për ndërtimin e rrugës Gusmar-Kuç. Policia njofton se ai është nisur drejt spitalit të Traumës për mjekim më të specializuar.
Njoftimi i policisë:
Tepelenë/ Informacion paraprak.
Rreth orës 17:00, në Spitalin Rajonal Gjirokastër është paraqitur për të marë ndihmë mjeksore shtetasi A. K., 32 vjeç, banues në Korçë.
Ky shtetas është dëmtuar gjatë punës, pasi ishte i punësuar nga një kompani për ndërtimin e rrugës Gusmar-Kuç.
Shtetasi i mësipërm u transportua për në spitalin e Traumës, Tiranë për mjekim më të specializuar.
Në vendngjarje ndodhet grupi hetimor dhe po punon për zbardhjen e plotë të ngjarjes.
