Kompania “Virgin Galactic” ka krijuar avionin supersonik, që do të ndryshojë mënyrën se si do të udhëtojmë në botë. Avioni ka një kapacitet prej 19 pasagjerësh, me një shpejtësi tre herë më të lartë se ajo e zërit.
Kompania publikoi imazhet e avionit trekëndësh, i cili do të fluturojë në një lartësi prej më shumë se 60 000 metra, dy herë më e lartë se një aeroplan tradicional komercial, shkruan abcnews.al.
Gjithashtu, kompania aerohapësinore njoftoi një partneritet me Rolls-Royce për të bashkëpunuar në hartimin dhe zhvillimin e teknologjisë së lëvizjes së motorëve për avionët komercialë me shpejtësi të lartë.
“Ne kemi bërë përparime të mëdha deri më tani, dhe mezi presim të vendosimj një kufi të ri në udhëtimet me shpejtësi të lartë.” tha George Whitesides, drejtuesi kryesor i Virgin Galactic.
Firma do të dizajnojë kabina të personalizuara për të adresuar nevojat e klientit, ndërkohë që ka nisur puna për fazën tjetër të projektimit, e cila përfshin përcaktimin e arkitekturës konfigurimeve specifike të sistemit, dhe përcaktimin se cilat materiale do të përdoren në prodhimin e avionëve. /abcnews.al/
