E konsiderojnë si të çmendur dhe jo pa arsye. Marcelo Bielsa është një nga trajnerët më të njohur ditët e sotme. Për 6 vite ka drejtuar kombëtaren e vendit të tij. Askush nuk e harron atë që ka bërë me Lazio, duke u larguar vetëm dy ditë pasi e kishin zyrtarizuar në stol.
Tani i del emri te Barcelona dhe sipas “The Sun” është Leo Messi ai që e do argjentinasin në krye të katalanasve. Quique Setien është në dyshim për të vijuar drejtimin e skuadrës spanjolle dhe Xavi ende nuk është gati, ndaj Bielsa me autoritetin e tij shihet si njeriu që mund të rikthejë katalanasit.
Ai riktheu Leeds pas 16 vitesh në Premier League dhe sigurisht anglezët nuk do të dorëzohen aq shpejt, ndaj edhe mund të hidhen në sulm për të rinovuar kontratën me të “çmendurin” Bielsa sa më shpejt. /abcnews.al
