Do të duhen të paktën tre vite që tregu gjerman i punës të rikuperohet nga pasojat e pandemisë sipas kreut të Agjencisë Federale të Punësimit, Detlef Scheele.
“Kriza do të zgjasë deri në vitin 2022 ose 2023 para se të kthehet në nivele normale”, shtoi ai.
Shkalla e papunësisë në Gjermani ishte 6,2% në qershor, e barabartë me rreth 2,85 milionë njerëz të papunë, nga të cilët rreth 640 000 fajësojnë krizën aktuale për situatën e tyre.
Scheele pret që papunësia të rritet gjatë verës, siç ndodh zakonisht, megjithëse ai nuk pret që numri i të papunëve të rritet mbi tre milionë. Ai deklaroi se kriza është e lidhur më shumë me virusin sesa me shkaqe ekonomike ose strukturore, që do të thotë se rikuperimi mund të fillojë menjëherë sapo disa faktorë të caktuar të fillojnë të lëvizin në drejtimin e duhur.
“Ne aktualisht presim një recesion që është kryesisht për shkak të efekteve të pandemisë. Tregu i punës ishte me të vërtetë i shëndetshëm”, tha Scheele.
